الجمعة, 29 مارس 2024

abou-alhool
abou-alhool
abou-alhool
abou-alhool
abou-alhool
الرئيسية
بانوراما
فرعونيات
بلاد وشركات
الحدث السياحي
سحر الشرق
سياحة وإستشفاء
أم الدنيا
حج وعمرة
أعمدة ثابتة
درجات الحرارة
اسعار العملات
abou-alhool

بحلم..

بحلم..
عدد : 03-2022
بقلم/ ماجد الحداد

بحلم بمجتمع كل شوية يقدم شهادة تقدير لسيدة ما ، مرة جائزة نوبل للباحثة الفلانية تكون قدمت فكرة أو نظرية أو اختراع مفيد للإنسانية
أو للمهندسة العلانية لمساهمتها المؤثرة فى مشاريع ضخمة فرقت مع الدولة
أو تكريم من وزارة التعليم لأحسن أستاذة جامعية أو تعليم أساسي على مجهودها التعليمي و نجاح مشروع تعليمي جديد قدمته للوزارة لأجل الأجيال القادمة
او بشركة يتهافت عليها الخريجين للالتحاق بها من أجل مديرة إدارة وضعت نظام إداري يشجع وينمي الموارد البشرية انها تنتج بعقل ورحمة وجدية للموظفين من وقاحة و مدير ذكر غبي يتمنى موظفيه الاستقالة بسببه .

والاقي المؤسسات المسؤولة عن اختيار الأم المثالية تواجه صعوبة في تحديد اختيار عدد معين من الأمهات المثاليات اللي هيتكرموا من الدولة وتسلمهن شهادات من كتر عددهم ومكافآت من الرئيس كل سنة .

بأعلام مهتم ليل ونهار بتطوير المرأة وتشجيعها على التفوق وصقل مواهبها ، وانك تكوني مفيدة في المجتمع كعضو مسؤول وفاعل فيه ... مش مجتمع كل اهتمامه عن المرأة الشكل واللباس والنحافة لحد ما اختزلوا المرأة في مركز تجميل ونسّوها هي دورها الحقيقي ايه .

بحلم بإن الراجل مابيقاش قدامه غير أنه طول النهار يحاول يلحق بإنجازات المرأة عشان يثبت أنه يقدر هو كمان ومارحتش عليه ... ويتعاونوا سوا لبناء بعض ، ومش مجرد ان التنافس بينهم مين يطلع فيهم الاحسن بطريقة الاطفال .
المهم النتيجة اللي هتعمل الخير علينا كلنا في الآخر

نفسي افضي نفسي يوم من أجل اختيار الكتابة عن اي انجاز لهؤلاء ... وهبقى سعيد ومبسوط اني أنفقت حياتي في تسجيل ده بس .

كلام شكله ساذج ممكن ... او حلم من احلام المراهقين المثالية مفيش مشاكل
بس اللي متاكد منه أن ده هو الطريق الوحيد اللي لازم تمر بيه عشان يتقال عنك انسان محترم و متحضر ، وبوابة مرورك لبكرة ، وساعتها هتعرف تفرض شروطك على الكون كله مش العالم بس .