بقلم الدكتور/ حمدى بركات
حارمني ليه من وصالك
طب قوللي راح فين كلامك
عن حبك وعن اشتياقك
يا ما كلمتني
يا ما قولتلي اني حبيبك
وان العشق ما بيني وبينك
واني فرحك واني نصيبك
اتاريك كداب
راح احكي لقلبي الحزين
كدبك وخداعك سنين
وهاقول له كنت ازاي وفين
تصنع اوهام
سايبني لوحدي ويا مين
اتعب وترهقني السنين
من شوقي ما عاد فيه حنين
والقلب خلاص
قلبي تعب من انتظارك
بينام ويقوم علي فراقك
وانت خلاص نسيت هواك
وبقيت مغرور
أنا حبي ليك ضاع من زمان
ونسيت كل اللي راح وكان
ما بقاش فاضل غير ذكريات
و كلام مكتوب
يا قلبي عيش من غير عذاب
و انسي اللي سابك و غاب
و افرح واتهني من جديد
وبلاش احزان |
