بقلم الدكتور/ حمدي بركات
حبيتها قبل ما اعرفها ... وشوفتها في حلمي
حبيت عيونها ونظرتها ... حبيت سكوتها وضحكتها
حبيت غموضها وكلامها ... حبيتها قبل ما اعرفها
دعيت ربي اني اشوفها ... والقاها في حياتي واعيشها
اعيش حلمي اللي حلمته... من قبل ما اعرفها واشوفها
ولقيتها فجأه قدامي ... معرفش ايه اللي جرا لي
كأني لسه في حلم جميل ... وكأني مش عارف حالي
سكت لساني وما أتكلم ... ونظرة عيوني بتتألم
من شوقي ليها ما حسيتشي ... انا صاحي ولا في منامي
معقوله حلمي بقا حقيقه ... وشايفها قدام عيني
انا قولت أقرب واسألها ... يمكن اعرف عنوانها
قربت وسلمت عليها ... وفضلت ماسك في ايديها
ونظرة عيوني لعنيها ... قالتلي امته هتتكلم
قولتلها مش عارف أبدأ ... طال انتظارك يا عيوني
قالتلي ليه انا قدامك ... منتظره اعرف أحوالك
انا كنت بحلم بيك زيك... وحلمت امته انا هقابلك
ولقيتها زيي كمان عاشقه ... منتظرة لحظة ما اشوفها
وحمدت ربي اني لقيتها ... ده عشق عمري وحبيتها
|