الجمعة, 29 مارس 2024

abou-alhool
abou-alhool
abou-alhool
abou-alhool
abou-alhool
الرئيسية
بانوراما
فرعونيات
بلاد وشركات
الحدث السياحي
سحر الشرق
سياحة وإستشفاء
أم الدنيا
حج وعمرة
أعمدة ثابتة
درجات الحرارة
اسعار العملات
abou-alhool

مصر مش 3 حروف

مصر مش 3 حروف
عدد : 03-2012
كل لما أقول هانت ألاقيها إتهانت
بأيد مين يقولوا مدسوسة
وناسين من زمان اتقالت
عاوزين يقسموها مرة واتنين وتالت
اصحي يا ابني وفوق
عاوزك تبصلها من فوق
هتلاقيها واضحة زي الشمس
وهتقول ليكي يا أمي أنا محقوق
--------------------------------------------
وترد أمى بصوت مخنوق
إيدك في إيد أخوك متفرحش فيك مخلوق
دمعي جف كفاية يا ضنايا أحلام
اتحقق الكتير ونفسي نعيش في سلام
-------------------------------------------
حقك على راسي
عمري ما كنت عليكي آسي
شايف بعيني مآسي
ومن غير وعي بهَد أساسي
فهمت إنها لعبه كراسي
ندمان يا أمي من ساسي لراسي
حقك على راسي
-----------------------------------------
شرطة وجيش.. أخويا وأخوك
دول عايزين يحرقوك
جاي دورك متفرحش هيدوسوك
لاقيت نفسي متضايق مسكت قلمي بس مش رايق
أكتب إيه ؟!!
هم.. غم.. دم.. مش لاقي ليها كلام لايق
أم الدنيا ..الناس عليها بتتسابق
نفسي اكتب
امن ..فرح .. عدل .. استقرار .. رخاء
وتكون دي الحقايق
--------------------------------------------------
قلبي على ولدي انفطر
وقلب ولدي عليا حجر
روح يا ضنايا إلهي تتستر
ويبعد عنك كل خطر
مسامحاك ما أنت آخر العنقود
مهما يخدوك فى حضني هتعود
عاوزاك في اللمة موجود
دعيت في ساعة فجرية
على عدو مابيرحمش لدود
مسامحاك وأنت آخر العنقود
-------------------------------------------------
مصر مش تلات حروف
الميم مستحيل هتشوف الخوف
الصاد صبر ألوف
الراء راية النصر ودا العادي والمألوف
مصر مش تلات حروف
بأيد مين؟.. يقولوا مدسوسة
ومصر ليها مني ألف مليون بوسة
 
 

رسالة إلي أمي مصر
ابن الدلتا الدكتور/ اشرف راشد